Teuntang Kamoe

Berita bak www.nasajaberita.com nyo na syarat nyang that keutat neukiraju:

Nyang keuphon, syarat jih hana sulet, meunyoe jak liput keudore, lagee leumah bak mata meunan meutuleh. Seudangkan meunyoe dari web atawa koran laen, jeulaih that sumber, nan web dan nan ureung peu ek bak web nyan pih ta tuleh beunyata.

Nyang keudua, meutuleh 99% lam basa Aceh. Bah pih hana seumpurna ejaan lagee lam buku atawa lam kamus, nyang na tanda titek ateuh, singet wie uneun atawa sudong.

Nyang keulhee, gaya meurawi lagee haba bak keude kupi. Seubab ureung Aceh klarap rata ta teume raya haba, cara calitra kiban crah meunan beukah ju. Adak lam meu pep-pep na khem. Guyak ju meunan watee ta deungo.

Nyang keupeut, uroe dinaih ngon uroe pree meunurot kheun Da Mulah. Seubab Apa Raban na keusibukan laen, lagee jak u blang, jak u pasai, koh naleung keu umpeun leumoe, jak tueng ngon jak intat Da Mulah hoe nyang peurle jak.

Nyang keulimong, bah Apa meupakat ilee ngon Da Mulah pu syarat jih. Bek salah tuleh eunteuk ka dawa ngon Da Mulah, meukureung jatah teuh kiraju.

Nyan ban kiraju. Seudang meunyoe na nyang hawa keuneuk tuleh berita lam basa Aceh nyang beutoi dan faseh deungon tanda baca nyang beutoi, neuhambo ju. Kiban web berita gob lam basa Indoneh meusipreuk bak internet. Tanyoe lam basa Aceh pih beu meunan.

Apa seunang that meunyoe keubiet na lagee nyan. Seubab na nyang saban niet dan tujuan deungon Apa, nyakni tapeumeusyeuhu keulayi basa indatu lam bentuk berita. Dari Aceh untuk donya.

Nyang ka na ilee saat nyoe lam pantauan Apa, Acehtrend.com saboh, habasinoesideh.gq ata geukelola le Abu West dan rakan syedara teuh ureung Aceh di Amerika Serikat saboh. Eunteuk lam puasa atawa lheuh uroe raya akan na saboh teuk [meunurot info intelijen Bagdad], nan jih goh meupu lom [wate ji tanyong bak Apa, meupeugah boh nan sabenaberita] teuman inoehat hana leumah wujud lom. Nyan na ureung kelola lhee droe jurnalieh khusus basa Aceh, meunurot laporan. Nyan rencana awak nyan.

Nyan ban ilee rahsia nyang ka Apa buka saat nyoe. Meunyoe keuneuk mita peng bak internet lagee gugel adsense rot basa Aceh hana cara, seubab hana index basa Aceh bak google. Jadi pemasukan jih lagee haba itu. Dan nyang baca pih ka pasti ureung Aceh. Nyan pih meunyoe geutem klik iklan. Jareung na nyang klik iklan.

Baro na peng kiban sit cara? Maka neu meungon ngon awak dinaih, tapi meunyoe dinaih beuna surat izin ilee, seubab awak dinaih peurle peu ek laporan u kanto. Meunyoe hana izin perusahaan, han ji akui le dinaih. han ji akui, maka han ji brie iklan. Atawa neumeungon deungon tokoh. Meuseu lagee musem baroesa na caleg, kadang raseuki.

Beda calitra lagee web media laen. Mangat ji lhat iklan seubab na gaki bak dinaih dum. Asai ka na acara, ka na ju iklan advertorial atawa iklan jeunieh laen.

Nyankeuh ban informasi dari Apa keugata-gata syedara Apa nyang meukeunong deungon berita lam basa Aceh.

0 Response to "Teuntang Kamoe"

Post a Comment