Mike Tyson Meutamah Kaya Deungon Hase Publoe Ganja, 7 Miliar Si Buleun


Nasaja Berita - California, Seip min dih rupajih biseunh ganja di lua nanggroe. Na troh 7 Miliar jiteume peng sibuleun di gop. Keu contoh ta peugah Mike Tyson, awak meu'en tinju awai, jinoe kajeut keu toke bakong (toke ganja) di Amerika.

Na luah lampoh ganja si Tyson di California 80 ribe mete, padum hektar kira-kira? Pu 8 hektar pu. Ci kali siat, sang nyo beutoi.

Ka jalan biseunih si Tyson na meusithon leubeh kureung ka. Nyang brat lom bereh, lam lampoh ganja nyan, si Tyson na pabrek untuk jiolah langsong sinan. Bahkan na lagee hotel ubiet lom, untuk jeut ta eh dan ta tinggai sinan meu simalam dua malam.

Si Tyson kon jak peutoke-toke droe tok, bahkan jih seureng jipakat ngon-ngon untuk jak u lampoh ganja nyan, ji p'iep meukupong asap kiraju. Lam sibuleun na abeh ganja ji p'iep ukuran yum 569 juta. Teuma kon ka meudum dum toh teuga ji p'iep ganja si Tyson. That geusoh min dih.

DI California, dari buleun Sa thon 2018 baroe, ka legal ganja sideh untuk keu hura-hura meuseunang-seunang. Jadi kajeut meukat seucara bebaih. Teuma teutap hauih uroih ijin meunyo bak gop.

Pu na rencana ta ba ganja tanyoe keudeh? Atawa ta undang si Tyson bak tanyoe, mangat jirasa le jih. Soe teupu jeut keurija sama ekspor impor ganja ngon Tyson. Ka can that ureung tanyoe biet. Leupah kaya-kaya ureung Aceh meunyo keubiet keujadian. Kaya ijo. Nasaja kiraju.

Teuman keu beureukat, jak tanyong ilee bak teungku, pu ek jeut atawa han. Meunyo han, kakeuh bah ijak jih ju mantong, geutanyo ta mita raseuki rot pu laen nyang jeut-jeut mantong. Meunan Apa baca bak Bacakota.

0 Response to "Mike Tyson Meutamah Kaya Deungon Hase Publoe Ganja, 7 Miliar Si Buleun"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...