Jubir PA: Mualem Jimeuhei Le Awak Komnas HAM Nyan Klarifikasi Biasa


Nasaja Berita - Banda Aceh, Juru Bicara Dewan Pimpinan Aceh (DPA) Partai Aceh (PA), Muhammad Saleh geupeujeulaih nyang bahwa suratKomisi Nasional Hak Asasi Manusia (Komnas HAM) Republik Indonesia teukaet ngon jimeuhei Ketua Umum DPA PA, H. Muzakir Manaf atawa Mualem nyang untuk jak klarifikasi biasa dan sifeut jih normatif.

“Hana nyang luar biasa, biasa nyan. Seubab jilake keterangan biasa sagai. Cuma jilake keterangan teukaet keujadian masa dilee. Nyakni kasus dugaan pelanggaran HAM berat di Timang Gajah, Kabupaten Bener Meriah, Provinsi Aceh tahun 2001-2004 jameun,” nyan ban geupeujeulaih leH. Muhammad Saleh, Uroe Lasa (8/10) baroe di Banda Aceh. 

Geupeugah le Teungku Saleh, ureung nyan ka meuteurimong surat nyan ka mulai tanggai 23 September 2019 baroesa dari Komnas HAM RI, Jakarta. tapi seubab teungoh sibok siangen jadi Mualem hana jeut geuhadir keudeh.

“Cuma jak brie keterangan biasa sagai, Insya Allah Mualem akan geujak, dan kamoe meulake beujijadwal ulang.” kheun Teungku Saleh. makajih hana nyang luar biasa dari surat nyan. Seubab seugolom jih awak Komnas nyan ka lheuh jitren u Bener Meriah jijak pareksa, dan ka rame ureung nyang jilake keterangan. Pukeuh dari TNi atawa dari Polri.

Meunurot Saleh, pu nyang jipubuet le awak Komnas HAM RI, nakeuh saboh tugaih dari neugara untuk jijak pareksa dugaan pelanggaran HAM masa dilee.

"Keurana nyan ateuh dasar aas praduga tak bersalah, Komnas HAM wajeb jak lake keterangan bak mandum pihak, teumasok sit pimpinan milisi nyang nay di kawasan Aceh Teungoh bak masa nyan.“ Kheun Teungku Saleh.

“Jadi, wajar-wajar mantong lah,” kheun Saleh.

Meunan Apa baca bak AJNN beuklam. Meunyo na nyang kureung paih bak Apa rawi berita neusaba-saba ile meu dua at teuk dang-dang paih keulayi.

0 Response to "Jubir PA: Mualem Jimeuhei Le Awak Komnas HAM Nyan Klarifikasi Biasa"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...