Dua Boh Partai Aswaja Meusaboh Lam Fraksi Di DPRA


Nasaja Berita – Banda Aceh, Barô 10 uroe leubèh kureung ban lheuh jilantik dewan barô bak DPRA, pak waki bak dewan ka mulai bentuk fraksi saboh sapoe dum.

Lagè biasa, seukureung-kureung jumlah anghota lam saboh fraksi nakeuh 6 droe ureung.

Kalinyoe PKB (Partai Kebangkitan Bangsa) ngön PDA (Partai Daerah Aceh) nyang saban-saban na dasar geunaréh ulama aswaja meusaboh lam saboh fraksi di DPRA.

Beuklam (Hamèh malam, 10/10/2019), bak Taufiq Kupi, Lambaro dua partai nyoe meuteken keurijasama untuk meusaboh lam fraksi PKB dan PDA.

Ketua PKB DPW Aceh, Irmawan S.Sos, MM, geupeugah nyang bahwa meusaboh lam saboh fraksi bagi dua partai nyoe nakeuh karna mudah bak komunikasi. Seubab saban-saban Aswaja. "Meunyo PKB jithè aswaja di Nasional deungön NU, PDA jithè di aswaja di Aceh deungön ramè ureung dayah." Kheun Irmawan.

Hai nyang sama meunan sit geupeugah lé Tgk. Muhibussabri A Wahab atawa nyang biasa ta turi deungön nan Abi Muhib Seuleumum. Adék daripada Waled Seulimum, Waki Bupati Aceh Rayek dan almarhum Abon Seulimum salah sidroe Ulama nyang jithè lé donya.

"PDA ngön PKB nyoe jeut takheun adoe adun. Seubab azas partai saban. Saban-saban aswaja. Tanyoe parlok, seudang PKB Parnas. Nyan ban." Kheun Abi.

Lam fraksi PKB dan PDA nyan, nyang duk keu ketua Fraksi nakeuh Syarifuddin dari PKB, seudangkan Waki Keutua geupeujôk bak Nek Tu dari PDA. Sekretaris pih dari PDA, nyakni Wahyu. Na anggota lhèe droe. Sidroe dari PDA nyakni Haji Romen, dan dua droe teuk dari PKB.

Harapan mandua partai nyoe, fraksi nyoe beu bèrèh dan solid sampo akhé masa jabatan, nyakni thôn 2024 lusa.

0 Response to "Dua Boh Partai Aswaja Meusaboh Lam Fraksi Di DPRA"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...