Apa Lambak Sidroe Geujak Demo, Tuntut Peng Kampanye Nyang Gohlom Lunaih


Nasaja Berita - Banda Aceh, Karap abeh sare masa jabatan Gubernur ngon Waki Gubernur nyang teupileh lam thon 2017 baroesa, tapi mantong na timses nyang hana pat cok peng lom sampe inoehat. Salah sidroe jih Apa Lambak nyang jameun teuga that meulawak ngon Apa Gense.

Awai na sit Apa Raban tuleh bak Nasaja Berita nyang bahwa ka 3 go puasa Apa lambak hana pat peucae lom peng kontrak ngon tim Irwandi - Nova, untuk kampanye.

Meunurot info dari Apa Lambak bak masa nyan, baro 20% peng nyang jibayeu sampe inoehat uroe.

Bahkan Apa Lambak na geukirem poto surat keu Apa Raban via fesbuk untuk peuleumah bukti bahwa na kontrak geuh ngon awak nyan. Lam surat kontrak nyan, nyang teken nakeuh Samsul Bahri atawa Tiyong, nyang jeut keu keutua Timses masa nyan.


Apa Lambak watee geudemo sidroe geuh hana geupakat massa. Hana mahasuwa, hana buruh atawa awak laen. Non moto kijang nyan geu wet mansaboh kota Banda Aceh. Bak moto geulhat seupanduk wie uneun, keu likot neukira ju. Rap teupadok moto. Alah pih bak kaca keu hana geutipek seupanduk, meuhan ka tan leumah jalan wate geujak. Nacan teupok tiang liseutrep kiraju. Leupah weuh teuh.


Uroe nyoe lam pesbuk Apa Lambak ka geupeuek lom poto nyang bahwa geujak demo lom uroe nyoe. Geupeugah singoh geulanjot lom. Seubab uroe nyoe ujeun. Bak sang han keumah geukarat uroe nyoe, takot brok seupanduk keunong ujeun. That na teuh kiraju.

Uroe nyoe moto geupeudong hinan toe deungon lapangan Blang Padang. Seubab kawasan nyan nakeuh kawasan rumoh dinaih peujabat, bak sang meunyo hana salah Apa, rumoh dinaih Waki Gubernur sinan daerah nyan. Pokokjih toe-toe lah, bah pih hana timang that di keu rumoh. That weuh teuh keu Apa Lambak droekuh kiraju.

0 Response to "Apa Lambak Sidroe Geujak Demo, Tuntut Peng Kampanye Nyang Gohlom Lunaih"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...