Ureung Meukat Di Pasai Inpreh Lhokseumawe Lapor Peulisi Le That Kutepan Sewa Lapak


Nasaja Berita - Lhokseumawe, Rupajih brat demo baroe ureo Seulanyan (16/9/2019) di Lhokseumawe dari ureung meukat lam pasai dum. Geujak demo bak kanto Walikota. Teuman hana meumada 'eh nan. Lheuh jak demo rupajih geupeuteupat keudeh bak kanto Polres Lhokseumawe lom toe Panggoi atawa Cunda meunan.

Rupajih nyang jeut keu laoran nakeuh le that kutepan dari ureung hana jeulaih dum lam pasai.

"Seulama nyoe ka brat teuh, seubab le that okeunum nyang troh jak nyang galak jih, hana meuteunte watee jak lake kutepan sewa lapak. Na nyang keu peng kebersihan, na nyang keamanan. Macam dum pokok jih. hana kureung na nyang jilakee 50 ribee na nyang lakee 100 ribee, teuman kon jruek teuh." Kheun Dedi Ismatullah nyang jeut keu waki ureung meukat lam pasai nyang na roh jak u kanto peulisi baroe.

"Nyang gura jih, lheuh ta bayeu sewa, jibongkar sit lapak geutanyoe meukat. Teuman kon that geupap wang dih.

Baroesa lam akhe buleun Aguhtuih, ka trok awak satpol PP jibongkar lapak ureung meukat di bineh jalan.

"Nyang meukat di ateuh lueng pasai, jibongkar sit, alasan jih awak Disperindangkop keuneuk kueh parek." Calitra gobnyan.

teuman nyang jeut keu dawa, seubab watee jibongkar nyan, hana jipeugah sapu. Jisurot awak satpol PP siat, rupajih malam jikeurija, abeh ubee na jireuloh, pah hana ureung bak lokasi.

yang brat teuh lom, meunyo na ta leung lapak di keu keude gob nyang na kanopi, hinan ka keunong 2 juta keu lapak, lheuh nyan ka trok awak laen lom ji lake 50 atawa 100 ribe lom keu sewa lapak. Han ek takart biet.  Meunyoe lapak teuh luwah siangen, ka meutamah lom bayeu sewa. Lheuh ta bayeu, ka jigusur lom. That pangeh teuh.

Bhaih nyoe kalheuh geupeugah-peugah bak awak dinaih, teuman hanjeut keu ubat, lagee-lagee set, kakeuh kalinyoe geupeutrok bak kato peulisi le ureung meukat nyan dum.

"beutoi kna trok awak meukat keunoe jak lapor masalah nyan. Dan akan ta tangani eunteuk." Kheun Kasat Reskrim Polres Lhokseumawe, AKP Indra T Herlambang.

Meunan bak Beritakini meutuleh, leubeh kureung.


(Bang Mayed, Aneuk Kumuen Apa Raban)

0 Response to "Ureung Meukat Di Pasai Inpreh Lhokseumawe Lapor Peulisi Le That Kutepan Sewa Lapak"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...