Azhari Cagè: Meuna Tan Surat Peubateu Qanun Bendera Aceh Bak Kemendagri


Nasaja Berita –  Banda Aceh,  Geupeugah Ketua Komisi I DPRA, Azhari Cagèe Kementerian Dalam Negeri (Kemendagri) hana pat jipeudeuh bukti fisik ngön administrasi teukaét surat peubateu Qanun Nomor 3 Tahun 2013 teuntang Bendera dan  Lambang Aceh nyang ka beredar lam masyarakat Aceh peurihai isu nyan lam dua buleun nyoe.

Haba nyan Azhari Cagèe peugah bak Serambinews.com dari Jakarta, uroe Lasa (17/9/2019) bunoe meulalui telepon, lheuh meureumpök dan meuduek ngön awak Kemendagri.

That na teuh pih di awak pusat nyan. Sangkira di miyup pusat na mangat bacut. Alah teuh

"Tanyoe jak tanyöng bak awak Kemendagri seubab jipeugah na surat ka beredar. Kamoe lakè pat bukti fisik ngön administrasi bahwa ka tom jikirém nyan. Rupajih ka tan." Kheun Azhari Cagèe


Bagi DPRA ngön Poemerintah Aceh haba teuntang na surat nyan HOAX, teuman seungaja ji jak untuk jak peuteupat haba nyan. Nyan haba nyan makén jeut keu kachoe lam masyarakat teukaét Qanun Bendera ngön Lambang Aceh.


"Nyoe peunténg that. Tanyoe peurlè beujeulaih. Haba bhaih na surat nyan jeut keu karu dan kacho untuk urusan Qanun Bendera dan Lambang Aceh." Kheun  Azhari Cagèè seulaku ulèe kawan di komisi I.

Seulaén Azhari na sit  Abdullah Puteh, HM Saleh, Abdullah Saleh ngön Iskandar Al Farlaki nyang jak peungön Azhari Cagèe keudéh u Jakarta.


Ujông buet, awak Kemendagri eunteuk jibahaih keulayi masalah nyan dan akan jibri thè keu pihak DPRA, kiban keulanjutan jih.

"Nyoe biet leupah aneh kiraju. Ék na teuh surat nyang jipeugah kalheuh jikirém tapi hana bukti fisik ngön administrasi. Jadi siat nyo tanyoe teutap ta anggap Qanun Bendera dan Lambang Aceh mantöng sah, hana ji anulir lom." Sambông Azhari.

Sangkira meunyo memang beutôi na, teuntè awak nyan harus kirém ulang, seubab lam surat nyan jipeugah masa 14 uroe keurija bagi poemerintah Aceh ngön DPRA untuk ajukan keberatan.

"Na wewenang Gubernur atawa DPRA untuk ajukan keberatan bak Presiden, 14, uroe lheuh surat nyan ta teurimöng. Teuman sampé inoehat uroe meusurat tan sajan teuh. Kiban ta ajukan." Kheun Cagèe.

That geup'uep daih kiraju. Pu tiep uroe keunöng peungeut bak pusat. Abéh meulabô ngön èk pusat dum. Ukuran suah jak u jakarta jak peuglah masalah.

Meunan Apa baca bak SerambiNews ata jituléh lé Subur Dani, wartawan Serambi nyan bunoe.

0 Response to "Azhari Cagè: Meuna Tan Surat Peubateu Qanun Bendera Aceh Bak Kemendagri"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...