Teumpat Wisata Jitôp Paksa, Ureung Meukat di Panté Mentak Tari Jak Bak Dinaih


Nasaja Berita -  Pidie, Meuplôh droe ureung nyang meukat bak panté Mentak Tari, Gampông Mentak Raya, Simpang Lhèè Pidie baroe uroe Hamèh ramè-ranè geujak u kantô dinaih Pariwisata Budaya Pemuda dan Olahraga kabupaten Pidie. Alèh nyo nyan pih singkatan dari Disparbudpora. Aléh Disbudparpora. Nyang inti jih dinaih nyan keuh nyang urôih bhaih teumpat wisata.

Ureung meukat bak panté nyan (sang nyo panté seubab jikheun teumpat wisata bahari) geujak u kantô dinaih seubab na ureung jak tôp teumpat wisata nyan. Geupeugah OTK (Orang Tak Dikenal) nyang tôp. OTK nyan meualasan teumpat wisata bahari nyan teumpat maksiet.

Cuda Zuriati (46 thôn) salah sidroe urueng mita raseuki bak panté nyan geupeugah seulama ureung nyan meukat hinan ,hana tom geukalön pih awak pubuet maksiet.

"Seulama kamoe meukat hinan hana tom keujadian awak oubuet maksiet nyang meulanggar syari'at islam nyang jipubuet lé ureung jak keunan. Nyan bak kamoe rasa sang keu alasan sagai. Nyan peurlè pruet droe jih." Kheun Zuriati.

Zuriati geulakè bak awak dinaih supaya beujeut meukat lom hinan lagè biasa nyang ka-ka. Seubab sit hinan nyang na mudah raseuki lawét nyoe.

"Kamoe meulakè beujeut meukat lagè biasa, seubab hinan kamoe mita raseuki."

Kepala dinaih nyan geubrie tanggapan teuhadap aduan masyarakat nyang bahwa seubeutôi jih dinaih sit peurlè dan that meudukông untuk peuhah keulayi teumpat wisata Mentak Tari di gampông Mentak Raya, seubab udép ekonomi warga. Teuman seubab jitop deungön sepihak dan kham khum meunan. Maka peurlè duek rapat ngön  Muspika dan peurangkat gampông, teungku dayah dan ulama setempat. 

Bahkan menurôt Pak Kadis nyan sang han mungkén hinan jeut jipubuet maksiet, seubab bak teumpat ramè, dan sit memang ureung gampông hinan nyang jaga dan nyang meukat bak lokasi wisata nyan.

"Ureung meukat disinan ka geusampaikan bahwa akan geujaga supaya bèk na buet maksiet nyang meulanggar syari'at Islam. Teuman nyang nan jih tanyoe di Aceh, teutap bèk sampè ta peugadè harga diri untuk tajak reulöh syari'at Islam." Tôp pak Keupala dinaih nyan.

Meunan Apa baca bak AJNN beuklam ata geutuléh le bang Salman seulaku jurnalieh hinan.

0 Response to "Teumpat Wisata Jitôp Paksa, Ureung Meukat di Panté Mentak Tari Jak Bak Dinaih"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel