Satpol PP Razia di Sigli, Han Meuteumè Raba Silop Dum Ureung Mita Seudeukah


Nasaja Berita – Sigli, Biasa jih leupah ramè ureung mita seudeukah nyang meuwét-wét di Sigli. Pu keuh nyang bak taloe jalan atawa nyang jak bak rata keudè kupi.

Bunoe, Rabu (7/8) ureung mita seudeukah abéh buet geubalap seubab meureumpök ngön awak Satpol PP Pidie nyang teungöh jirazia ureung mita seudeukah.

Memang sit ka biasa, awak Satpol PP jipeutertib ureung mita seudeukah bak jalan.

Bunoe leumah salah sidroe ureung mita seudeukah bak jalan di keue Kanto Bupati Pidie deungön geusôk kupiah putéh, na kotak kardus bak jaroe, meutuléh Fakir Miskin, c'eung jiplueng. Seubab meureumpök Satpol PP. Ukuran han meutumè raba silop neukiraju nah.

Kasatpol PP-WH Pidie, Iskandar Abbas geuakui memang teungöh razia ureung mita seudeukah bak taloe jalan. Dan na nyang ka geupeuaman meupadum droe.

"Lheuh ta peuaman, ta paréksa awak nyan mandum." Kheun Komandan Satpol PP-WH Kabupaten Pidie nyan.

Dari meupadum droe nyang mita seudeukah nyan, ramè nyang dari Aceh Utara. Keu alasan atawa motif awak nyan mita seudeukah, hana saban. Beda-beda tiep ureung jih.

"Na nyang peugah droe utusan dari dayah atawa balè beut, na nyang peugah droe gasie." Sambong Pak Is.

Nyang gura jih,geupeugah lé Pak Is, watè talakè surat ka tan dum. Hana pat cok surat.

Nyang hayeu jih watè geuparéksa penghasilan ureung mita seudeukah nyan na nyang trôh meureutôh juta kiraju, lam padum trép geumita seudeukah.

"Lheuh ta paréksa, hana ta sak lam peunjara, tapi ta yu woe keudéh bak gampông asai." Kheun Iskandar Abbas.

Meunan Apa baca bak Beritakini ata geutuléh lé bang Firman lam poh 1 cöt uroe timang satnyoe.

Nasaja kiraju, leupah jai awak mita seudeukah. Meunyo na nyang meureumpök sampé 100 juta lam sithôn mantöng, sang na can ta alih profesi keu kita seudeukah. Keupu jak ikôt cpns dum di awak tanyoe. Alah ma beh teuh.

0 Response to "Satpol PP Razia di Sigli, Han Meuteumè Raba Silop Dum Ureung Mita Seudeukah"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...