Pruet Jikeubah Lam Weue, Kamèng Rencana Kurbeun Ata Teungku Jisunglap Lé Pancuri


Nasaja Berita – Aceh Utara, Leupah cabak jaroe pancuri kamèng neukiraju. Pantang asai ka toe uroe raya atawa mak meugang, sit leupah bagah jikeurija. Teuman 'oh watè ta kheun meunan, sang-sang sit gara-gara meugang ngön uroe raya jiteumè jeuheut ureung lam nanggroe.

Bunoe seugolom Suboh, Aleuhad (4/8), 2 boh kamèng ata Teungku Abi Raisul (nan rakan Apa Raban bak pesbuk) jeut keu korban.

Warga gampông Krueng Seupeng, Kuta Makmur nyan geupeugah bahwasajih meunurôt ka geurencana 2 boh kamèng nyan keu qureubeun uroe raya lusa. Teuman ka hana raseuki, barô 3 uroe buleun Haji, kamèng ka jiangkôt lé pancuri budôk. Nyang na jikeubah eumpueng ék (pruet ngön asoe dalam). Meunyo kheun awak nyoe nyang biada bloe bu bak warông Nasi Padang, jeroan.

Lheuh Suboh meunan geujak paréksa kamèng lam weu, ka hana lé. Tinggai pruet ngön darah nyang leumah mantöng segar that. Hinan keuh geukira-kira lé Abi Raisul nyang bahwa jikeurija lé pancuri arakatè nyan ka toe watè seugolom Suboh.

Nasaja kiraju. Nyan berita langsông Apa teumanyöng lam komen pesbuk. Jadi hana meucok bak AJNN, Beritakini, Liputan Aceh, Kanal Aceh, AntaraNews, atawa laén-laén. Adak poto pih ata geuposting keudroe lé poe pihak bak pesbuk (Abiraisul Abiraisul)

0 Response to "Pruet Jikeubah Lam Weue, Kamèng Rencana Kurbeun Ata Teungku Jisunglap Lé Pancuri"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel