Musannif Sarankan Peububar Dinaih Dayah, Wasekjen PDA: Hana Patôt Haba Nyan


Nasaja Berita – Banda Aceh, That paloe Pak Musannif uroe nyo neukiraju. Lheuh bak koran Serambi Indonesia bunoe beungoh bhah Qanun peu legal Poligami (ata sit ka jameun legal), nyo ka bhaih saran yu peububar dinaih Pendidikan Dayah teuman.

Wasekjen PDA (Partai Daerah Aceh), Tgk Marsyuddin Ishak, bunoe seugolom Mugreb geuhubungi Apa untuk peu ék rilis berita nyang bahwa haba Pak Musannif nyan hana cocok sagai.

Meunurôt Teungku Marsyuddin Ishak atawa nyang seuréng ta meuhei deungön nan Tgk Mudas, haba Pak Musannif hana patôt lagee nyan. Seubab gobnyan bak DPRA geuduek keu Sekretarieh Komisi VII, nyang salah saboh tugaih gobnyan geubidangi pendidikan dayah.

"Pu nyang hana bereh lam dinaih pendidikan dayah, seuharohjih Musannif geupeubereh. Meuhan pu sit bak komisi nyan." Kheun Tgk Mudas.

Bahkan geu bôh tamselan lé Tgk Mudas "Bèk sampe gara-gara na jamok lam keuleumbu, keuleumbu nyang ta tet. Atawa na kaso meupijét, kasô nyang ta tet. Bèk meunan lah cara jih. Pat nyang kureung paih, beu geubrie saran untuk peupaih." Lanjôt Teungku Marsyuddin Ishak seulaku Wasekjen PDA.

Memang dalam hal kalinyo Musannif, lagè lam berita bak Acehtrend geupeulheuh haba meunan, nyakni peububar dinaih pendidikan dayah, seubab goh jalan lom peukara dana hibah keu teumpat ibadah dan dayah. Meutheun peukara dana hibah nyan meutheun pembangunan rumo ibadah, lagè seumiji, meulasah dan juga teumpat pendidikan agama (dayah).

"Bèk sampe eunteuk leumah kesan, bak ka han trôh h'eut droe lam program dinaih pendidikan dayah, ka tajak yu peububar dinaih dayah. Nyan hana patôt meubacut pih." Geu ulang lom lé Teungku Marsyuddin nyang that kecewa deungön haba Pak Musannif nyang meurupakan politisi dari PPP (Partai Persatuan Pembangunan) nyan.

Lom pih meunurot Ketua Ikatan Dai Aceh nyan, "Meunetheun amprahan dana hibah dayah di dinaih pendidikan dayah aceh nyan na roh dan meukumat deungon kinerja DPRA sit. Jadi bek lah DPRA rhah jaroe, boh muka meunan." Dana hibah dayah nyang meumasalah nakeuh peukara pokir atawa aspirasi dewa nyang jipeutamong le DPRA deungon hana jiikot regulasi atawa mekanisme tata cara penganggaran hibah. jadi bek peusalah TAPA watee ka susah bak jiproses." Tutop Tgk Marsyuddin

Nasaja kiraju, uroe nyo sang uroe Pak Musannif. Lheuh bhaih peu legal qanun poligami nyang ka dari jameun legal, ka bhaih peububar dinaih dayah.

0 Response to "Musannif Sarankan Peububar Dinaih Dayah, Wasekjen PDA: Hana Patôt Haba Nyan"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel