Ka Tutong Lom Mon Minyeuk di Aceh Timu, 2 Droe Luka Parah


Nasaja Berita - Aceh Timu, Ka tutong lom mon minyeuk di Aceh Timu malam Sabtu baroe (Jeumeu'at 5/7). Mon minyeuk nyan meunyo lam hukom neugara jipeugah ilegal. Seubab hana idin dan mantong deungon cara tradisional. Jadi hana seutandar lom. Meunan meunurot poemerintah.

Mon minyeuk nyang tutong nyan di gampong Seuneubok Dalam, Kecamatan Ranto Peureulak, Aceh Timu. Tutong seukitara poh 20:30 WIB, ukuran watee lheuh seumayang Isya, bagi nyang na seumayang jama'ah.

Sampoe ji ek berita nyo, hana lom meupu, pu seubab sampe jiteume tutong lom. Pu keuh sira geukuh mon geup'iep rukok atawa geutet ubat jamok di bineh, hana meupu lom. Seubab malam, mungken saja na keumungkinan nyan, seubab tom keujadian.

na korban dua droe, warga sinan nyang kuh mon minyeuk nyan. Abeh tutong mansaboh tuboh. Meunurot info brat luka tutong. Teuman seubab han sep info, kakeuh meumada 'oh nana mantong, poto pih tan untuk ta kalon keuadaan korban.

Lheuh keujadian nyan, awak peulisi dari Polsek Ranto Peureulak langsong ji tron u lokasi.  Jinoe ka ji boh gareh peulisi bak mon minyeuk nyang tutong nyan. Mangat bek le leupah ureung jak keunan.

Awai lam thon 2018, buleun April, na tom sit tutong daerah nyan. Sampe-sampe na meuninggai ureung 29 droe. Ta meulake bak Poe beu luah kubu. Dan na 30 droe leubeh nyang luka. Sang jinoe ka puleh.

Awai nyan seubab tutong dan beuretoh mon minyeuk nyan gara-gara peuteng rukok di gampong Pasir Putih, Ranto Peureulak sit. Aleh soe jak beh peuteng rukok keunan lam kawan nya. Padahai sinan teungoh rame ureung dan pih sinan teungoh ji peusapat minyeuk meuntah nyang abeh ro. Meujisambiui teuk mansaboh nyan. Pu haba teuman, kon lahee keunong rudal Amerika ju. Sikhan gampong raya jibeudoh apui. That na teuh ureung Aceh. Teungoh geukeurija lam mon minyeuk, kon geu boh rukok ilee beujioh.

Nasaja kiraju, meunan Apa baca berita bak Klikkabar nyang jujur mengabarkan ata geutuleh le bang Zamzami Ali, bunoe lheuh Mugreb. Ka teulat sare Apa peu ek keu berita sinoe, neu kalon. Gabuk bhaih poligami dum. Nyan poto ata thon 2018 beh.

0 Response to "Ka Tutong Lom Mon Minyeuk di Aceh Timu, 2 Droe Luka Parah"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...