Ka 3 Gö Puasa, Honor Apa Lambak Gohlom Jipeulunaih Lé Tim Irwandi-Nova


Nasaja Berita – Banda Aceh, Apa Lambak nyang ka seip that peungalaman bak geumeulawak, sampé ji kontrak lé tim ses Irwandi-Nova lam thôn 2016 baroesa keu tim hiburan masa kompanye, sampe inoehat uroe hana abéh jibayeu kontrak lom.

Lam akun pesbuk Apa Lambak Aceh, bak meubala-balah komen ngön Apa Raban, Apa Lambak geupeugah baro 20% dari kontrak nyang jibayeu. Padahai inoehat ka 2019. Leubèh kureung 3 thôn ka, mantöng hana pat cok pèng.

Apa Lambak Aceh atawa Mukhtaruddin Fatani, SH geupeuék poto bak pesbuk. Poto moto ka meubalôt ngön spanduk nyang asoe jih meunyatakan lakè beujibayeu sisa kontak dan poto surat kontrak dilè. Meunyo ta eu keu surat, karap phak bak ta eu hie. Sang brat gr'am Apa Lambak, na meu tujôh gö ka geuramah-ramah surat. Nasaja kiraju.


Hai nyoe hai, sangkira Apa Raban keujadian lagè nyan, pu meu tujôh, meu sikureung gö pih ta ramah. Teuman nyang ta pr'iek han. Seubab nyan bukti.

Lam surat nyan, tanda tangan kontrak dua ngön Tiyong atawa Samsul Bahri, seulaku tim kompanye pasangan Irwandi Nova bak ék keu Gubernur Aceh 2017 dilè. Teuman inoegat Irwandi ka di Jakarta, Pak Nova ka sithôn keu Plt, kontrak Apa Lambak mantöng hana soe kira.

Na can suah 'uet ie babah masén sang Apa Lambak kalinyo. Ta meulawak kalheuh, ta tarèk lawak hana pat tarék lé. Nyang jeut geupeubuet sit jak tuntut beu jibayeu. Teuman hana rôh Apa tanyöng, Apa Lambak seulaku SH adak meudéh kön jak tuntut bak pengadilan ju keudéh. Hana rôh Apa Raban tanyöng, kakeuh.


Leupah seudéh kiraju. Nyo berita Apa Raban saja tuléh keu Apa Lambak, seubab seusama Apa. Bah pih neukhém watè neubaca, nyang asoe berita ta peugah lagè na. Han neupatèh kakeuh neujak tanyöng bak Apa Lambak. Bèk bak Apa gensè neutanyöng. Hana rôh Apa gensè seubab lam buet nyo. Nyo urusan Apa Lambak Aceh seulaku dari teater Lambak Komedi Group dan Lawak Apa Lambak Record.

0 Response to "Ka 3 Gö Puasa, Honor Apa Lambak Gohlom Jipeulunaih Lé Tim Irwandi-Nova"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel