Innalillah! Bus Jama'ah Haji Aceh Utara Meupok Ngon Bus Laen


Nasaja Berita - Banda Aceh, Baroe Sabtu tanggai 27/7, saboh bus jama'ah haji dari Aceh Utara meupok di seukitaran kawasan Cot Batee Geulungku, Simpang Mamplam, Bireuen watee teungoh lam perjalanan keuneuk jak u Banda Aceh. Keujadian jih seukitaran poh 4 supot.

Info dari juru bicara panitia penyelenggara Ibadah Haji (PPIH) Embarkasi Aceh, Muhammad Nasril, Lc, MA, beutoi na keujadian kecelakaan nyan.

"Alhamdulillah mandum peunumpang seulamat tuhan brie. Bus pih hana brat reuloh. Cuma bagian keue mantong. Bus 05 nyan asoe jih jama'ah calon haji dari kecamatan Matangkuli." Kheun Tgk Nasril nyan lheuh troh info dari peutugaih haji di Aceh Utara.

Geupeugah lom, nyan meupok antar bus nyang saban-saban jak intat jama'ah calon haji watee teungoh jak meuandreng (iring-iringan).

"Keujadian ji di Batee Geulungku, meupok antara bus nyoe ngon bus laen lam jak meuandreng. Bus nyang di likot ji peupok bus nyang di keue, jadi meubicah teuk kaca keue bus nyan. Seudangkan moto bus nyang di keue, nyang keunong peupok hanco palang likot dan hana udep le lampu rhem." Calitra gobnyan.

Lam keujadian nyan mandum penumpang seulamat dan kondisi ureung nyan pih sihat mandum. Lheuh keujadian nyan, mandum ikot lanjot lam peurjalanan u Banda Aceh deungon jikawai le peulisi.

"Lheuh jipeugot moto, bus nyan lanjot lom jak jih, bah pih hana kaca keue." Kheun Nasril.

Nyang peurle ta teupu, jama'ah nyang keucelakaan nyan roh lam kloter, dari Aceh Utara deugon jumlah 383 droe jama'ah. Meunurot jadwal ureung nyan tamong asrama haji nibak maam Aleuhad beuklam poh 9 malam. Dan akan meuteureubang u tanoh suci malam Seulanyan.

Meunan Apa baca bak Klikkabar nyang jujur mengabarkan ata geutuleh le bang Muhammad Fadhil.

0 Response to "Innalillah! Bus Jama'ah Haji Aceh Utara Meupok Ngon Bus Laen"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel