Plueng Dari Peunjara Lhoksukon, Sidroe Napi Meuninggai Lam Krueng Keureutoe


Nasaja Berita - Lhoksukon, Salah sidroe tahanan atawa napi nyang plueng dari peunjara di Lhoksukon baroesa, ka meureumpok di krueng Keureuto, gampong Meunasah Dayah AB, Lhoksukon, Aceh Utara. Teuman watee meuteumeung nyan ka hana le nyawong.

Muteumeung mayet nyan baroe beungoh uroe Lasa tanggai 18. Meunurot info, mayet nyan nakeuh salah tahanan atawa napi bhah narkoba nyang keunong hukoman 2 thon seuteungoh. Nyang ka jalan sithon leubeh. Deungon sisa jatah watee 1 thon 4 buleun 19 uroe.

AKBP Ian Rizkian Milyardin, seulaku Kapolres Aceh Utara meulalui haba Iptu Yussyah Riandai seulaku Kapolsek Lhoksukon geusampaikan bahwa mayet nyan adalah Sufriadi deungon umu 20 thon, warga gampong Cot Patisah, Seunuddon, Aceh Utara.

"Sekitaran poh 8 beungoh kureung bacut, salah sidroe warga gampong nyan, Halimah, keuneuk manoe ban mon geuh. Teuman na troh ureung nyang teungoh jak mita eungkot lam krueng geupeugah bahwa na meuteumee mayet lam krueng, meusangkot bak kayee. Lheuh nyan ureung peugah nyan geujak mita eungkot ju lom lagee biasa." Calitra pak Kapolsek nyan.

Seubab peunasaran geujak kalon, rupajih keubiet nyoe nyan na mayet lam krueng. Lheuh nyan langsong geujak meuhei pak Geuchiek dan warga laen. Seubab kondisi mayet ka mulai meubee.

"Lheuh ka troh ureung rame-rame meu-evakuasi mayet nyan keudeh u rumoh saket Cut Mutia." Lanjot pak Kapolsek.

Munan ji pareksa sideh. Rupajih keubiet nyoe nyang bahwa mayet nyan nakeuh Sufriadi, salah sidroe tahanan nyang jiplueng dari peunjara di Lhoksukon.

Meunurot geukira-kira le Pak peulisi, nyan Sufriadi, keuneuk koh krueng, teuma ka awai hanyet ji ba le ie. Kadang sit han jeut ji meulangu. Kakeuh maw'ot sinan. Meunurot info, sampe baroe mayet mantong di rumoh saket, teungoh uroh untuk pulang bak keluarga.

Meunan Apa baca bunoe bak Media Aceh  ata geutuleh le bang Zulkifli Anwar. Nyan neukalon, jatah preh 1 thon, 4 buleun teuk. Ka maw'ot. Rupajih awai geucok le Poe. Ta lakee bak Poe beu husnul khatimah, kadang meuteume tobat masa seugolom jibalap dari peunjara Lhoksukon baroesa. Nasaja kiraju,

0 Response to "Plueng Dari Peunjara Lhoksukon, Sidroe Napi Meuninggai Lam Krueng Keureutoe"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel