Lagee Haba Apa Karia, di Beureunun Sikilo Sabu-Sabu Jipeuaman Le BNN


Nasaja Berita - Pidie, Nyan ban ka teubukti haba Apa Karia droeteuh baroe bak koran Serambi Indonesia baroe. Langsong bak sileungoh jih tanggai 16/5 ka ji droep aneuk muda di Beureunun gara-gara ji meukat sabu-sabu. Hana kureung, sikilo sajan jih.

Muda that mantong aneuk nyan 26 thon baro. Teuman kon muda that mantong. Pu that jikarat keunan ilee pu meukarat keu jeulame ata ji lakee le caon dara baro pu. Tapi han mungken sang, di Pidie pane na brat teuh that keu jeulame. Da Mulah jameun 24 manyam sagai.

Beh ka, awak BNN nyo jikeurija seubab na info dari warga sinan, nyang bahwa na sabu-sabu wilayah Beureunun. Paih that, meu jiikuti teuk le awak BNN. Si Mi ji jak tueng le si MZ alias si Kop. Sang Mak Kop nan ji meuhoi di gampong. Nah, troh keunan bak rumoh Kak si M di gampong Tuha Lala, langsong jibeureukah si M le peulisi.

Si MZ atawa si Mak Kop aleh hoe, hana geutuleh bak AJNN nyan le bang Salman jadi hana Apa teupu. Bek neutanyong bak Apa, bak bang Salman nyan atawa bak awak BNN ju neutanyong beh.

Meunurot lheuh jipareksa silapeh le awak BNN, jimeungaku nyang bahwa man sikilo nyan jatah peuabeh di wilayah Mila dan Pidie.

Keu barang bukti, na peng ringget on 50 si on, on 100ribe, on sukarno na meu 19 on. Sabu sikilo, na ATM meupadum on, Honda Beat warna Putih BL 9410 N saboh, KTP jih si on. Ka paih keu barang bukti.

Nyan neu kalon, leupah bahaya ka daerah geutanyoe. Rata sagoe sabu-sabu. Meunyo neuteume lam gampong neu lapor ju. Bak awak BNN jeut, bak Peulisi jeut. Meuhan meutamah reuloh teuh. Meu ijak aneuk teuh u meulasah jak meudaruh susah teuh, takot na awak p'iep sabee lam kawan. Han teunte han.

Nyan gara-gara bhaih nyan, na can keunong hukoman seumur hidup. Sikilo sabu-sabu, man saboh kecamatan ji teumee mabok aneuk muda neukiraju. Ji bagi 3 gram sapoe pih ka jitheun teler meu dua uroe.

0 Response to "Lagee Haba Apa Karia, di Beureunun Sikilo Sabu-Sabu Jipeuaman Le BNN"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel