Di Bireuen, Partai Aceh Maken Hana Soe Tueng Le, Aleh Pakon


Nasaja Berita - Bireuen - Komisi Independen Pemilihan Kabupaten Bireuen maupun KIP Provinsi  Aceh kalheuh jipeuseuleusoe ubee na pleno keu dewan nibak uroe Aleuhad (12/5) malam Seulanyan.

Partai Aceh kalinyoe leumoh that, maken thon maken yuk laju-laju. Padahai meunyo keu takira, PA nyo adalah Partai ureung GAM awai, nyang ji thee le donya dan jitakot le awak Indonesia Raya.

Kalinyo meu 'oh tingkat Kabupaten Bireuen, lagee sang karap tan soe tueng le. Hai nyo hai, Apa peugah meunan seubab na data, jeut ta kalon keudroe teuh. Meunang memang, paleng le meureumpok, tapi jatah kureusi maken yuk.

Pemilu 2009 Partai Aceh meuteume 25 boh kureusi. Nyan pemilu phon that lheuh masa damee, nyang bak thon nyan umue Partai Lokal, bajiek that mantong. Tapi beurtoh ramee ureung pileh. Seubab mantong na rasa perjuangan. Adak meudeh maken tuha partai, maken ramee ureung pileh.

Troh bak Pemilu 2014 Partai Aceh ka meukureung sikhan, 13 boh kureusi sagai. Troh bak thon nyo Pemilu 2019 Partai Aceh 9 boh kureusi sagai meureumpok. Hana cara sang. Alamat na can keujadian bak 2024 saboh atawa dua boh kureusi sagai meuteume. Ukeu harus meutamah bereh, bek sampe tinggai nan. Nyan partai hek that bak geupeujuang awai.

Meunyo lagee nyan keujadian, ka suah ta gulong lapak sang. Nyan keu tanda nyang that nyata, PA han ji tueng le, le masyarakat. bek 'an ureung teubleut, ureung buta leumah geukalon, meunyoe lagee nyan data thon keu thon maken gadoh kureusi. Abeh jireupah le Partai Nasional sang.

Nyopat nan-nan anggota DPRK Bireuen Dari Partai Aceh nyang ka ji peh palee bak Pleno, mulai dari Dapil I hingga dapil VI:

Dapil 1, 1 kureusi adalah Amryadi dengan 1.514 neuk suara. 
Dapil 2, 3 kureusi, nyakni Rusyidi Mukhtar 3.221 neuk suara, Munazir Nurdin 1.825 neuk suara dan Salwa Hanum 1.481 neuk suara.
Dapil 3, saboh kureusi keu Zulkarnaini na meuteumee 1.288 neuk suara.
Dapil 4, saboh kureusi keu Muslim Abdullah dengon 2.115 neuk suara. 
Dapil 5, satu kureusi keu M. Nasir suara 2.381 neuk.
Dapil 6, na meureumpok 2 boh kureusi keu Yufaidir 3.159 neuk suara dan Sufyannur 2.141 neuk suara. 

Meunan Apa baca bak Dialeksis ata geutuleh le Bang Fajri Bugak. Poto ata bak Media Indonesia Apa cok nyang reman siangen.

0 Response to "Di Bireuen, Partai Aceh Maken Hana Soe Tueng Le, Aleh Pakon"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

loading...

Iklan Bawah Artikel

loading...