Liga Champion, Juvestus Meuhambo, Cristiano Ronaldo Ji Moe Leupah Na


Nasaja Berita – Italia, Beuklam bola liga champion bak tiphi Apa nonton, Juventus lawan Ajax Ansterdam. That kha ji meu'en bola neukiraju. Ji hue keunoe ji hue keudeh, watee ji jok umpan lambung dan ji kontrol bola ngön dada, teuingat ju keu masa-masa muda jameun.

Teuman sayang jih klub awak Cek Do meuhambo beuklam. Bak lapangan droe di Juventus ji teume meutimphan lawan Ajak Ansterdam. 1-2 taloe. Watee ji meu'en sideh di Ajax 1-1 bola.

Bola ji peulop le Dony Van Debeek ngön Mattin de Light. That gura nan awak peu lop bola Debe ek. Sang hana gleh ji rhah ek makajih be ek meunan. That na teuh ,teuman awak nyan pane na ji rhah, ngön keurtah koran ju ji pleue bak leubo. Meunyoe lawet nyoe ka hayeu siangen ka na tisu.

Awak Juve nyang peu lop bola kön Cristiano Ronaldo atawa Cek Do, tapi de Godenzonen. That gawat-gawat nan awak meu'en bola lawet nyoe keubiet. Han meu ta tu'oh kheun pih.

Jadi nyang keuneuk peugah, Jeventus talo lawan Ajax bak Liga Champion. Ukeu hana meu'en le. Cek Do beuklam ubee raya ji moe. Ie mata ngön ie idong ka meusapat ji lee lam babah. Alah si gö-gö awai ji sampoh ngön bajee that na teuh si Do meutuwah nyan. Peurseh ju lagee aneuk miet hana ta bie bloe eh bonbon watee uroe raya.

Nyoe berita olahraga phon dari Apa. Meunyoe na nyang golom paih, neusaba-saba siat dang-dang paih. Nasaja di awak meu'en bola. Talo pih moe. Alahai teuh. Malee Apa Apa laen dum.

1 Response to "Liga Champion, Juvestus Meuhambo, Cristiano Ronaldo Ji Moe Leupah Na"

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel