Meusen Judi Jackpot Ngon-Ngon Poe dan Awak Meu'en Meusigo Ji Beureukah Le Satpol PP Ngon WH


Nasaja Berita – Kutacane, Kop bereh biet Satpol PP ngon WH di Aceh Tenggara kiraju. Abeh geu jak wet jak mita awak meu'en judi. Ngon-ngon meusen judi jackpot nyan geubeureukah kalinyoe. Aleh kiban pih di jakcpot nyan hom. Hana Apa tu'oh sit, seubab Apa hana tom ata-ata meunan, meunyoe nyoe pih, kakeuh lagee ata bak phelem Cina jeh.

Rupajih kon sipat sagai geuteume nyan. 4 boh kecamatan na binatang nyan. Dari kecamatan Semadan, Lawe Sumur, Babul Rahmad dan Bambel. Meunan calitra Pak Rahmad Fadhly seulaku ketua Satpol PP dan WH Aceh Tenggara. Brat sang udep judi daerah nyan. Rata sagoe na. Nyan golom nyang hana meureumpok beureukah lom. That na teuh.

"Jadi na nyang ta drop poe meusen dan na dua droe teuk awak meu'en. Meusen jackpot na meu 4 boh." Geupeugah le Pak Fadhly nyan.

"Jinoe awak nyan ngon-ngon meusen sideh lam kanto. Teungoh ta pareksa leubeh lanjot" Kheun Pak Ketua Satpol PP dan WH nyan. Soe poe jih, pat ji bloe, pat na lom laen. Pokok jih leubeh lanjot, kon ka neu tu'oh keudroeneuh neuh. Apa hana got meutu'oh sit kiban. Nyang pokok jih meunan-meunan ju.

Meunan Apa baca bak Beritakini ata geutuleh le Bang Jupri, keunoe bak nasaja berita Apa rawi. Poto pih ata bak beritakini nyan. Bah pih hana ta lake idin, ata ta tuleh laen keudroe lam bahsa Aceh, hanjeut keu hai. Lom pih ta tuleh pat tacok berita dan soe nyang liput. Nyan neukalon, kiban bereh Apa Raban bak rawi berita. Alah na Apa Raban si urat teuk nyang na bereh. Laen hom, aleh padum droe teuk nyang na bereh, nyan bah urusan ureung laen. Nasaja kiraju.

2 Responses to "Meusen Judi Jackpot Ngon-Ngon Poe dan Awak Meu'en Meusigo Ji Beureukah Le Satpol PP Ngon WH"

  1. Just admiring your work and wondering how you managed this blog so well. It’s so remarkable that I can't afford to not go through this valuable information whenever I surf the internet! 넷마블 먹튀

    ReplyDelete
  2. Very useful post. This is my first time i visit here. I found so many interesting stuff in your blog especially its discussion. Really its great article. Keep it up.  GCLUB

    ReplyDelete

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel